बेसीशहर, असार १२ गते । गएरातीकाे पहिराेमा परी हराइरहेका लमजुङकाे  क्व्होंलासोथार गाउँपालिका वडा नं. ३ बगुमका सबै चार जनाकाे शब फेला परेकाे छ ।

गएराती मध्यरातमा गएकाे पहिराेमा परी ४ जना बेपत्ता भएकामा बुधवार बिहान खाेजी गर्दा ६९ बर्षका रूद्रमान गुरूङ, उनकी बुहारी अन्दाजी ३७ वर्षीया पञ्चकुमारी गुरुङ, पञ्चकुमारीका २ छोरीहरू ७ वर्षीया इच्छा र ५ वर्षकी नम्रता गुरूङकाे शब फेला परेकाे हाे । पहिराे गए लगत्तै पुरिएर बेपत्ता भएका चारै जनाकाे शब फेला परेकाे क्व्हाेंलसाेंथार गाउँपालिकाका उपाध्यक्ष गमीमाया गुरूङले जानकारी दिइन् ।

तस्वीर साैजन्यः गंगा घले

पहिराेमा परेर बेपत्ता भएकाहरूकाे बिहान सबेरैदेखि स्थानीयले प्रहरीकाे सहयाेगमा खाेजी गरिएकाे  थियाे । बेपत्ता भएकाहरूकाे खाेजी तथा उद्धारका लागि जिल्ला प्रहरी कार्यालय लमजुङ र मालिङ प्रहरी चाैकीबाट प्रहरीहरू खटिएका थिए । प्रहरीकाे सहयाेगमा क्व्हाेंलसाेंथार वडा नं. ३ मा पर्ने घलेगाउँ, बगुम, फुल्म्राे, खगुम लगायतका गाउँका बासीन्दाहरूले बिहानैदेखि बेपत्ताहरूकाे खाेजी गरेकामा शुरूमा रूद्रमानकाे शब भेटिएकाे थियाे ।

तस्वीर साैजन्यः गंगा घले

स्थानीयका अनुसार रूद्रमानकाे घर पछाडिकाे ढिस्काे भत्केर पहिराे गएकाे थियाे । पहिराेले तीनवटा घर बगाएर तीनसय मिटर तलसम्म पुगेकाे र बिहानैदेखि बर्षा जारी रहेकाले खाेजी कार्यमा कठिनाइ भएकाे थियाे ।

याेसंगै पहिराेमा परी लमजुङमा मृत्यु हुनेकाे संख्य ५ पुगेकाे छ । गएराती पहिराेमा परी दाेर्दी गाउँपालिका वडा नं. ९ का विकल वि.क.काे मृत्यु भएकाे थियाे ।

सम्बन्धित खबर

बगुम पहिराे अपडेटः बेपत्ता भएका रूद्रमानकाे शब फेला, बर्षाका कारण खाेजी कार्य प्रभावित

लमजुङकाे हिलेटक्सारमा पहिराेमा परी १ काे मृत्यु, क्व्हाेंलसाेंथारकाे बगुममा ४ जना बेपत्ता